Flyging med paraglider er ein fantastisk naturoppleving i
tillegg til å være kategorisert som ein ekstremsport. Ein
paraglider er eit vingeprofil som fyllast med luft under flyging.
Ein henger under sjølve vinga i seletøy, som eit sit behageleg
i.
For å oppnå eit paraglider-sertifikat er det krav til teoretisk
undervisning i fag som aerodynamikk, meteorologi, materiall
kjennskap, praktisk flyging, og fyrstehjelp. Undervisninga
avsluttast med eksamen i kvart emne der det er krav til 70% korrekt
besvarelse.
Den praktiske delen av kurset byrjar heilt i det små med å bli
kjent med ein Paraglidar, og klare å handtere den på bakken.
Etterkvart som kunnskapen og kontrollen aukar vil ein bevege seg
gradvis oppover ein egna bakke der ein i hovudsak lærer å starte og
lande sjølve paraglidaren. Denne delen av den praktiske treningen
endar med at ein startar, flyg eit halvt minutt, og landar igjen.
Dette er kalla bakkegliding og det er minimunskrav til 20 godkjente
turar.
Etter at bakkgliding er fullført, og instruktøren er nøygd med
handteringa så er det klart for høgdegliding. Her vil eleven starte
på ein plass og lande på ein ny plass,med minimum høgdeforskjell på
250m. Før ein startar og flyg på eigehand vil ein, saman med
instruktør, legge ein flygeplan med klare retningslinjer for
flygemønster for heile turen. Etterkvart som eleven får meir
erfaring vil denne flygeplanen innehalde fleire element og øvelsar.
Når eleven har gjennomført minimum 10 høgdeglidingar,samt
gjennomført obligatoriske øvelsar er ein kvalifisert til trinn 2 på
sertifikatsstigen.
Utdanningssystemet innan paragliding består av trinn 1 til 5.
Dette systemet er kalla ParaPro, gjerne forkorta til PP-systemet.
Under opplæring er ein på trinn 1. Når ein har fullført
nybyrjarkurs er ein kvalifisert til PP2 sertifikat. Etter minimum
60 flygingar og minimum 10 timar flygetid er ein kvalifisert til
PP3. Her er det også krav til ny teoriprøve i utvida pensum, samt
godkjenning frå instrukrør som skal signere ut sertifikatet. Slik
fortsett utdanningssytemet fram til PP5. Det største trinnet er frå
trinn 3 til 4, der det også er krav til sikkerhetskurs.
Sikkerhetskurs består kort fortalt i å kunne handtere paraglidaren
i ekstreme situasjonar. Her må ein gjennomføre og framprovosere
situasjonar som kan oppstå under avansert flyging. Slike kurs vil
foregå med kyndige instruktørar, og over vatn med redningsbåt. HPGK
arrangerer slike kurs ved behov.
Hardanger Paragliderklubb tilbyr to ulike variantar av
nybyrjarkurs:
1. Helgekurs
Undervisninga, både teoretisk og praktisk, foregår i fastlagte
helger. og strekker seg gjerne over 5-6 helger på rad. Dette
avhenger sjølvsagt av værforhold dei aktuelle datoane.
2. Intensivkurs
Intensivkurs foregår typisk over 2 helger med veka i mellom,
altså 9 dagar. Denne type kurs er mindre vanleg, då både
instruktørar og elevar må ta fri frå skule/arbeid. Er det derimot
ei gruppe som ynskjer denne form for kurs så vil HPGK prøve å
tilrettelegge for dette.
Ta kontakt med oss dersom du har spørsmål eller ynskjer å få
meir informasjon om paragliderkurs i regi av HPGK. Bruk
kontaktskjema øverst på denne sida.